بودجەی بەرگری ژاپۆن بۆ دوو هێندەی خۆی زیادکرا

سەرۆکوەزیرانی ژاپۆن بودجەی بەرگری وڵاتەکەی لە %1ـی بودجەی گشتییەوە بۆ لە %2 زیادکرد.

فۆمیۆ کیشیدا، سەرۆکوەزیرانی ژاپۆن بڕیاریدا لە بودجەی گشتی ئەمساڵ 43 ترلیۆن یەنی ژاپۆنی کە دەکاتە 300 ملیار دۆلاری ئەمریکی بۆ وەزارەتی بەرگری خەرج بکات، ئەوەش بە بەراورد بە ساڵی رابردوو رێژەکە بۆ دوو هێندە زیادیکردووە.

زیادکردنی بودجەی بەرگری ژاپۆن لە کاتێکدایە، دۆخی ناوچەی رۆژهەڵاتی ئاسیا، نیمچە دوورگەی کۆریا و دوورگەی تایوان لە خراپیدایە و مەترسی روودانی جەنگ لە ناوچەکەدا هەیە.