ئەمڕۆ پێنجشەممە، بانکی رەشید بەیاننامەیەکی بڵاوکردەوە و تیایدا رایگەیاندووە، لەناو فڕۆکەخانەی نێودەولەتی بەغداد، بەشێوەی راستەوخۆ دۆلار بە گەشتیاران دەفڕۆشرێت.
لە بەیاننامەکەی بانکی رەشید هاتووە، “بانکی رەشید لقی فڕۆکەخانەی نێودەولەتی بەغداد بەشێوەی راستەوخۆ بڕی 5000 دۆلار بەو گەشتیارانە دەفڕۆشێت کە لەهەمان رۆژدا گەشت دەکەن.
ئەوەش هاتووە، “کارکردنی لقەکە بۆ ماوەی (24) کاتژمێر بەردەوامی دەبێت بۆ وەرگرتنی ئەو گەشتیارانەی کە خوازیارن دۆلار بکڕن و لە ئەمڕۆشەوە دەستپێدەکات”.
