بارەگای بارزانی رایگەیاند، سەرۆکی پارتی دیموکراتی کوردستان پێشوازیی لە سەرۆکی یەکێتی نیشتمانی کوردستان کردووە و هەڵسەنگاندن بۆ بارودۆخی سیاسی عێراق کراوە.
لەراگەیەندراوێکدا بارەگای بارزانی دەڵێت، ” ئەمڕۆ پێنج شەممە ڕێکەوتی 4ـی8ـی 2022 سەرۆک بارزانی لە پیرمام پێشوازی کرد لە بەڕێز بافڵ تاڵەبانی سەرۆکی یەکێتی نیشتیمانی کوردستان، بە ئامادەبوونی ھەریەک لە بەڕێزان د.فوئاد حسێن و قوباد تاڵەبانی”.
لە کۆبوونەوەکەدا کە قوباد تاڵەبانی، جێگری سەرۆکوەزیرانی حکومەتی هەرێم و فوئاد حوسێن، وەزیری دەرەوەی عێراق ئامادەی بوون، “گفتوگۆ و بیروڕا ئاڵوگۆڕکران بۆ ھەڵسەنگاندنی بارودۆخی ئێستای عێراق و پێشھاتەکانی و لە پێناو یکخستنەوەی نێو ماڵی کوردی”.
شایەنی باسە بۆ یەک هەڵوێستی بڕیاردراوە بە بەردەوامبوونی کۆبوونەوەکان و تێیدا هاتووە، “بڕیاردرا: کاربکرێت بۆ یەک ھەڵوێستی ھێزە سیاسییە کوردستانییەکان لە بەرامبەر ئەو ئالەنگاریانەی کە ڕووبەرووی عێراق و ھەرێمی کوردستان بوونەتەوە و کۆبوونەوەکان بۆ ئەم مەبەستە بەردەوامیان پێ بدرێت”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
