ئەمڕۆ چوارشەممە 22-02-2023، ئەنجومەنی وەزیرانی هەرێم بە سەرپەرشتی مەسرور بارزانی، سەرۆکی ئەنجومەنەکە کۆدەبێتەوە و چەند بابەتێک تاووتوێ دەکەن.
بە گوێرەی راگەیەندراوێکی فەرمانگەی میدیا و زانیاری، بڕگەی یەکەمی کۆبوونەوەکەی ئەمڕۆی ئەنجومەنی وەزیران تایبەت دەبێت بە خستنەڕووی دەرئەنجامی سەردان و کۆبوونەوەکانی شاندی هەرێم بە سەرۆکایەتیی مەسرور بارزانی، سەرۆکوەزیران بۆ هەردوو وڵاتی ئیمارات و فەرەنسا.
دەرئەنجامی کۆبوونەوەکانی شاندی دانوستانی حکومەتی هەرێم لەگەڵ شاندی دانوستانی حکومەتی فیدراڵی، تایبەت بە پرۆژەیاسای نەوت و گازی فیدراڵی بڕگەی دووەمی کۆبوونەوەکە دەبێت.
ئاماژە بەوەشدرا، کە لە بڕگەی سێیەمی کۆبوونەوەکەدا رەشنووسی پڕۆژەیاسای رێگەوبانە گشتییەکانی هەرێم دەخرێتەڕوو.