ئەمڕۆ یەکشەممە 18-09-2022، کۆبوونەوەی ئەنجومەنی سەرکردایەتی یەکێتی نیشتمانی کوردستان بەڕێوەدەچێت و پێشبینیش دەکرێت تەواوی دەسەڵاتی حیزبەکەش بدرێت بە بافڵ تاڵەبانی.
ئەنجومەنی سەرکردایەتی یەکێتی لە سلێمانی بە سەرپەرشتی بافڵ تاڵەبانی بۆ تاوتوێکردنی چەند پرسێکی ناوخۆیی حیزبەکە و پێشهاتەکانی عێراق و هەرێم بەگشتی لە کۆبوونەوەدایە.
لەئێستادا کۆبوونەوەی ئەنجومەنی سەرکردایەتی یەکێتی دەستیپێکردووە، بەگوێرەی زانیارییەکان لە کۆبوونەوەکەدا گفتوگۆ لەبارەی هەموارکردنەوەی پەیڕەوی ناوخۆیی یەکێتیی، بەتایبەتی دوای هەڵوەشاندنەوەی سیستەمی هاوسەرۆکایەتی، ئەو بڕگانەی تایبەتن بە سیستەمی هاوسەرۆکایەتی لە پەیڕەو لادەبرێن و دەسەڵاتەکان دەدرێن بە بافڵ تاڵەبانی.
تەوەرێکی دیکەی کۆبوونەوەکەش تایبەتە بە پەیوەندییەکانی یەکێتی و پارتی، بەتایبەتی لەسەر پێکهێنانی حکومەتی نوێی عێراق و کاندیدی سەرۆککۆمار و لێکنزیکبوونەوەیان لەسەر ئەو پرسە.
هاوکات، هەڵبژاردنی داهاتووی پەرلەمانی کوردستان- عێراق و سیستەمی هەڵبژاردن و کاراکردنەوەی کۆمسیۆن تەوەرێکی دیکەی کۆبوونەوەکە دەبێت.
ئەمە لەکاتێکدایە رۆژی 28-08-2022، لە کۆبوونەوەی ئەنجومەنی سەرکردایەتی یەکێتی سیستمی هاوسەرۆکایەتی هەڵوەشاندەوە و بافڵ تاڵەبانی بە دەنگی 89 ئەندامی سەرکرایەتی وەک سەرۆکی یەکێتی دیاریکرا.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
