ئەنجومەنی باڵای دادوەری بەهۆی دەستپێکردنەوەی خۆپیشاندانەکان لەبەردەم بیناکەی، سەرجەم کارەکانی هەڵپەسارد.
لەڕاگەیەندراوێکدا ئەنجومەنی باڵای دادوەری ئاماژەی بەوەکردووە کە بەهۆی خۆپیشاندان و ناڕەزایەتییەکانەوە سەرجەم کارەکانی هەڵپەساردووە. لە راگەیەندراوەکەدا ئەوەش هاتووە، “ناڕەزایەتییەکان و خۆپیشاندانەکان لەبەردەم بینای ئەنجومەن دەستووی نییە و سەرپێچی یاساییە”.
شایەنی باسە لە راگەیەندراوەکەدا ئەوەش هاتووە کە حکومەت بەرپرسیاری یاساییە لە هەر لێکەوتەیەکی ئەم هەڵسوکەوتە کە لەبەرددەم بینای ئەنجومەنی باڵای دادوەریی ئەنجام دەدرێت.