ئەعرەجی و وەزیری دەرەوە پرسی کۆتاییهاتنی کەمپی هۆل تاوتوێ دەکەن
ئەمڕۆ چوارشەممە، راوێژكاری ئاسایشی نیشتمانیی عێراق لەگەڵ وەزیری دەرەوە کۆبوونەوە و پرسی کۆتاییهاتنی کەمپی هۆل لە سووریا تاوتوێکرد.
نووسینگەی راوێژكاری ئاسایشی نیشتمانیی عێراق رایگەیاند، "قاسم ئەعرەجی، راوێژكاری ئاسایشی نیشتمانیی عێراق لەگەڵ فوئاد حوسێن، وەزیری دەرەوەی عێراق کۆبوونەوە و تاوتوێی دۆسیەی کۆنتڕۆڵکردنی سنوورەکان و رێگریکردن لە قاچاخچێتی و دزەکردنی ماددە هۆشبەرەکانیان کرد".
جێی باسە، جەخت لەوەکراوەتە کە عێراق پێداگری دەکات لەسەر داخستنی کەمپی هۆل و بەهێزکردنی ئاشتی و ئاسایش و پەیوەندییەکانی نێوان دوو وڵات.