ئێران، لە بەندەری بەسرە دەست بەسەر کەشتیەکی سووتەمەنی دادەگرێت
لە راگەیەندراوێکی ئاژانسی هەواڵی ئێراندا هاتووە، هێزە دەریاییەکانی ئێران لە بەندەری بەسرە دەستییان بەسەر کەشتیەکی سووتەمەنی داگرتووە کە سووتەمەنی قاچاغی بارکردبوو.
بەپێی هەواڵێکی ئاژانسی فەرمی ئێران IRNA، رەمەزان زیراهی، ئەفسەر لە فەرماندەیی ناوچەی دووەمی هێزە دەریاییەکانی سەربە سوپای پاسدارانی ئێران روونیکردەوە کە ئۆپەراسیۆنێکیان بۆ دەست بەسەر داگرتنی کەشتیەکی سووتەمەنی لە بەندەری بەسرە ئەنجامداوە.
زیراهی ئاماژەی بەوەشکرد، لە میانی ئۆپەراسیۆنەکەدا لە دووری 60 میل لە کەناراوەکانی ئێران، توانیوویانە دەست بەسەر 757 هەزار لیتر سووتەمەنی دابگرن و 7 کەسی بیانیش لەناو کەشتییەکەدا دەستگیربکەن.